WILLEMSTAD.-Awe mainta trahadónan di GGD ku tin nan ofisina na Zakitó a bai sede di ABVO na Brievengat. E trahadónan aki a buska sosten di nan sindikato pa buska solushon pa e situashon pésimo unda nan mester ehersé nan trabou. For di ayera a informa minister di GMN sr. Silvania ku e trahadónan aki ta bai sede di ABVO te ora òf dia ku gobièrnu buska un sitio na drechi pa nan por kumpli ku nan trabou.

E dirigente di ABVO a splika EXTRA ku ta imposibel ku trahadónan di GGD ta bai kontrolá negoshinan pa wak si ta kumpli ku normanan di limpiesa, higiena etc anto e trahadónan mes ta den un situashon di hopi porkeria, yen outo bieu ku ta sòru pa djaka i otro problemanan.