WILLEMSTAD.- Trahadónan di e kas di hende grandi Habaai a pone trabou abou. Mesora nan a haña sosten di nan sindikato ku ta CBV. Trahadónan ta eksigí pa haña klaridat despues ku gerensia di Habaai a disidí ku ta kambia di kompania unda ta spar penshun di e trahadónan. E trahadónan ke haña klaridat ki konsekuensia e kambio di kompania aki por tin pa nan penshun.

Segun Johnsel Diaoen presidente di CBV, Federashon di Kuido Bírgen di Rosario ta di opinion ku nan ke kambia di asegurado i kuminsá un pakete di penshun na otro kompania. Ke kambia e pakete di penshun i bai Guardian Group. Miembronan a pidi pa duna seis luna di tempu pa nan studia e asuntu bon, pero entretantu federashon lo a tuma otro desishon. Mayan atardi tin reunion ku trahadónan pero despues di tende kiko ta e intenshon di federashon e trahadónan a disidí ku nan no ta warda pa e reunion di mayan, pero nan ke klaridat for di awe. Mas detaye den edishon di EXTRA.