WILLEMSTAD.-Trahadónan di Refineria Isla a bai sede di sindikato PWFC pa demostrá nan preokupashon. Manera lidernan sindikal a duna di konosé, for di momentu ku a bira konosí ku e preferred bidder no ke sigui mas den negoshashon pa manehá i operá refineria a pone ku trahadónan a bira mas nèrvioso.

 Na sede di PWFC lider sindikal di APRI Remilia a bisa ku Trahadónan di refineria no por permití ku mannan maligno ta sera refineria. Tin mannan maligno ku ke sera e refineria. El a haña app di sr. Casimiri kende e identifiká su mes komo e fundadó di Green Town. Casimiri lo a skibi den su app na Remilia ku e ta masha preokupá ku desaroyo di refineria Isla. 

Anto e tin un plan ku e ke kompartí ku e lider sindikal. Remilia a bisa Casimiri pa no app mas sino e ta laga sòldánan di Refineria Isla atendé kuné. Mas detaye den edishon di EXTRA.