WILLEMSTAD.-Trahadónan di Klínika Capriles a disidí ku ta basta i awe nan a sali nan boka di trabou i a bai sede di ABVO na Brievengat. E motibu prinsipal ta pasobra nan no a kobra nan salario di luna.

EXTRA tabata na sede di ABVO i a skucha preokupashon di e trahadónan. Un lamento general tabata ku tantu durante di Covid i despues e empleadonan di Klínika Capriles no ta haña atenshon, miéntras ku tur atenshon ta pa hospital CMC.

E trahadónan ta mustra ku nan instituto mester di hopi yudansa, mester drecha nan salarionan i pa kolmo dia ku minister di GMN a bishitá e instituto e no a pasa tur departamentu. E minister a yega hasi un rònchi chikitu i bai bek. Trahadónan di Klínika Capriles ta duna tur ku tin. Asta den nan akshon nan ta responsabel i p’esei no ta tur trahadó a sali bai ABVO pero a laga algun pa keda vigilá e klientenan. Mas detaye den edishon di EXTRA.