TRAHADONAN KTK KU REUNION URGENTE BOU DI ORA DI TRABOU

WILLEMSTAD.- Trahadónan di Kompania di Tou Kòrsou (KTK) ta teniendo un reunion awe mainta, bou di ora di trabou. Esei sra. Bridgewater-Chong di Curacao Ports Authority a konfirmá pa EXTRA djis algun minüt pasa. E informashon ta ku no por papia di un akshon, pero si ta asina ku a yama un reunion ku trahadónan den oranan di mainta.
Tabata bisto awe mainta ku tur botonan di KTK ta kantu na waf i tur trahadó ta huntu, esei EXTRA a tuma nota di dje i e fotonan ta demostrá esei. E sindikato UGTK-Cadmu ta representá e trahadónan pero vários yamada na e organisashon aki no a duna fruta.
Haf ta ketu
Ta konosí ku for di momentu ku e presidente venezolano Nicolaas Maduro a disidí na pone embargo, poniendo ku barkunan di fruta, berdura i esnan di piská no por a Sali pa bini Kòrsou e moveshonnan den haf a kai bastante. Pero e desishon di korte internashonal pa permití Conoco Phillips pone beslag riba krudo di Venezuela tambe a hasi e situashon ainda mas difísil. Praktikamente no tin moveshon den haf pa algun siman kaba. Manera indiká niun representante sindikal no tabata alkansabel pa tende ta kiko ta e motibu pa yama un reunion bou di ora di trabou.

SHARE

LEAVE A REPLY