WILLEMSTAD.-Trahadónan di Landelijk Beveiligingsdienst (LBD) a tene un reunion ku nan sindikatonan bou di ora di trabou. Esaki ta tumando lugá awor aki na Kas di Korte. E Trahadónan di LBD ta esnan ku ta sirbi komo protekshon di mandatarionan, pero tambe ta nan ta transporte prezunan pa korte etc.

E dirigentenan sindikal di e sindikatonan ABVO, SAP, Straf i NAPB a reuní ku e Trahadónan awe mainta. Ounke no a indiká eksaktamente ta kiko ta e problema, EXTRA a komprondé ku ta trata un asuntu di seguridat, tantu seguridat di e Trahadónan komo seguridat di e klientenan ku LBD mester kuida. Segun dirigentenan sindikal ya kaba a inventarisá kiko ta e problema di seguridat i tambe e posibel solushonnan.

Den dianan tras di lomba a sali den publisidat ku tin diskushon basta fuerte riba material, esta vehíkulonan ku ta nesesario pa transportá prezunan pa i for di Kas di Korte. Di tur manera te awor aki ainda e Trahadónan ta pará pafó di korte pendiente di nan dirigentenan sindikal. Tur detaye den edishon di EXTRA.