WILLEMSTAD.- E yobidanan di último simannan ta bon biní pa nos isla despues di tantu sekura, pero nos no por bisa e meskos pa nos kareteranan. Tur kaminda tin buraku, i un di esnan mas peligroso ku nos a mira ta na altura di misa di Pietermaai. E buraku aki a hinka diferente shofùr di bùs den gastu grandi ora ku nan pasa aden. E mesun situashon aki por topa den Ansinghstraat. Por komprondé ku gobièrnu no tin kulpa, pero yuda tòg ku un tiki breu i evitá mas doló di kabes.