WILLEMSTAD.  - Transporte Públiko ta pasando den momentunan difísil. E reto pa shofùrnan di bùs ta realmente grandi den e último tempunan. Banda di e echo ku ya pa un tempu largu kaba no tin muchu pasahero, awor aki tin un semi “lockdown” i pa kolmo preis di kombustibel a subi, loke ku ta hinka e shofùr di bùs dia pa dia den un situashon kompliká i difísil. Esaki ta e bista kon e bùsnan ta stashoná na rei sperando pasahero. Esaki ta parada di bùs na Punda.