WILLEMSTAD.- E akusadonan den e kaso di atrako i ladronisia  di 15 mil florin a apelá nan sentensia.

Ta trata di e kaso kaminda e akusado femenino T. Martis ta pidi su prima A. Martis i su pareha Q. Lourens pa yud’é traha un plan pa atraká su frei i kita su tas ku 15 mil florin, despues ku e hòmber a saka nan video íntimo riba kaya.

Nan tur tres ta keda akusá di tabata involukrá den e atrako riba e víktima dia 21 di ougùstùs 2020.

  1. Martis a atmití ku el a pidi su prima A. Martis pa buska un hende pa atraká su propio frei.
  2. Martis a splika ku e tabata hopi rabiá ku su frei, despues ku el a saka un video íntimo di nan dos riba kaya. Su frei ku a resultá e víktima, lo a manda e video pa dos hende muhé i un hende hòmber.

Mirando esaki T. Martis tabata ke tuma vengansa riba su frei.

E tabata sa ku su frei tabatin mas ku 15 mil florin den su tas i e tabata ke e sèn pa e ku su yunan por kome, debí ku su mama a saka nan fo’i kas i e tabata biba den outo di su frei ku su yunan.

Segun T. Martis despues di e atrako e no a haña e sèn. Lourens durante tratamentu di e kaso a bisa ku e ta aseptá ku e tabata involukrá den e kaso, pero no ta e a kometé e echo.

El a deklará ku el a laga otro hende kometé e atrako.

  1. Martis durante e kaso a insistí bou di huramentashon ku ta Lourens ta esun ku a atraká nan, pone arma na kabes di e víktima ora ku nan a yega kas i eksigí e tas ku plaka mas e dos telefònnan.

Na polis e víktima  a deklará ku e hòmber ku a tira atrako riba dje yama Deli (Lourens), pasó e konosé fo’i chikí.

Dia 11 di sèptèmber 2020 tabatin un konfrontashon di foto i e víktima a rekonosé Lourens komo e hòmber ku atrak’é.

Lourens a ninga redondamente.

Pa loke ta trata e akusado A. Martis, el a aseptá ku el a traha plan ku su prima T. Martis pa kometé e atrako riba e víktima, pero bou di su mes petishon.

  1. Martis a bisa ku e no a haña sèn di e atrako.

Fiskal den su rekisitorio ta haña e akusashon probá a base di e akusadonan su propio deklarashonnan i tambe deklarashon di e víktima.

Mirando tur esakinan fiskal a demandá Q. Lourens na 7 aña di prizòn, A. Martis na 36 luna di kual 18 kondishonal i T. Martis na 3 aña di kual 1 kondishonal, tur ku guia di Reclassering.

Hues den su desishon a kondená A. Martis i T. Martis konforme e demanda di fiskal, pero a redusí e demanda di 7 na 5 aña pa Q. Lourens mas daño perhuisio di 17 mil florin pa e víktima.

E akusadonan a apelá i awor tin ku warda un fecha nobo pa 3 hues husga e kaso di nobo.

LAGA UN KOMENTARIO

Please enter your comment!
Please enter your name here