... Ced Ride ...

WILLEMSTAD – Un gran baluarte di músika lokal, Ced Ride a fayesé awe mainta na CMC.  Segun informashon su salu a bai atras último dianan i awe a drenta e notisia tristu di su fayesimentu. Su fayesimentu a sosodé netamente riba su fecha di nasementu (14-7-1944), Awe Ced Ride lo a kumpli 77 aña di edat.  No mas ku durante Dia di Bandera a risibí su rekonosementu, Krus di Mérito pa su trayektoria largu den músika ku vários kansion ku a bira sumamente popular. No tin duda ku Ced Ride tabata un ídolo pa hopi.  Den edishon di EXTRA mayan lo tin mas detaye.