WILLEMSTAD.-  E djabièrnè aki a habri ku bastante áwaseru sigur na parti ost di Kòrsou. Habitantenan parti pariba di Kòrsou ta eksperensiando pa algun ratu kaba áwaseru kompañá pa bos i welek. Den kombersashon ku EXTRA a hiba ku meteorologia Andy Luciano el a splika ku ta un ‘tropical wave’ ta krusando nos área durante awe mainta i esei ta sòru pa  tempu ku nos ta hañando, esta e áwaseru ku bos i welek. Riba e pregunta te kon largu e situashon aki lo dura, Luciano a indiká ku por spera e situashon di tempu aki te mèrdia. Mas aleu el a duna di konosé ku parti pariba a haña basta awa te ainda i despues e parti mei mei i tambe Tera Kòrá i besindario a kuminsá haña e áwaseru. E parti zùit di Kòrsou si no a haña mesun tantu awa.