WILLEMSTAD.- Djasabra durante di oranan di mardugá sentral di polis a risibí informashon di un aksidente ku lo mester a tuma lugá den área di Palu Blanku.

Na yegada di outoridatnan a bin topa ku un pikòp den un establesimentu.

Na momentu ku a bai papia ku e shofùr el a indiká ku den área di e rotònde tròt di su pikòp lo mester a pega.

Esaki a pone ku el a pèrdè kontròl i resultá ku su pikòp kompletamente den e establesimentu.

Esaki a kousa un daño enorme na tantu e vehíkulo komo e establesimentu.

Ambulans a presentá na e sitio pa duna shofùr di e pikòp promé asistensia i mas aleu Forensys tambe a presentá pa atendé ku registrashon di e aksidente pa demas investigashon.