WILLEMSTAD.- Ayera nochi personal di Aqualectra a haña nan ku un trabou basta pisá den Montezumaweg.

Un trùk grandi a pasa den e kaya i basha palu i un kantidat di waya di koriente abou. Esakinan a kai riba dos vehíkulo ku tabata den e kaya aki i kousa un daño enorme.

E personal di Aqualectra a presentá na e sitio pa asina atendé ku e situashon aki.

Algun kas a keda basta ratu sin koriente debí na e situashon aki.