WILLEMSTAD.- Kontinuando ku e diferente kontròlnan dirigí riba prinsipalmente trùknan di pan, e funshonarionan di MEO huntu ku polis a konstatá un situashon basta desagradabel i a-higiéniko na un trùk di pan situá riba Cubaweg.

Na yegada di e funshonarionan a konstatá un trùk di pan hopi sushi manera ku e tin basta tempu sin haña un limpiá. Tabatin te asta sobrá di kuminda bieu bentá kaminda mester kushiná diariamente pa kliente.

Mirando esakinan a sera e trùk di pan aki i probablemente e lo por habri bèk te na momentu ku esnan responsabel duna e trùk di pan un bon limpiá.