WILLEMSTAD – Studiantenan di Aruba, Boneiru i Kòrsou semper ta keda konfrontá ku preisnan sumamente haltu pa por biaha pa kas for di Ulanda durante dianan di fiesta di desèmber. Esei ta pone ku na hopi okashon studiante nan tin ku keda Ulanda den desèmber i pasa Pasku i Aña Nobo aya. Resientemente Minister Plenipotensiario Carlos Manuel a reuní ku gerente di e kompania di aviashon TUI, Arjan Kars pa diskutí riba e problemátiko aki. Esaki a bin resultá den un akshon speshal pa Pasku di parti di TUI ku deskuento pa studiantenan. Si por proba ku un karchi di studiante bálido òf por mustra ku ta inskribí na na un instituto di edukashon, studiantenan por risibí 30% di deskuento riba pasashi biahando den periodo entre 15 di desèmber 2021 te ku 15 di yanüari 2022. Por kuminsá hasi reservashon for di djaluna 15 di novèmber. Den edishon di EXTRA mayan lo tin mas detaye.