WILLEMSTAD.- Gerensia di Tui ayera den un reunion na nivel di gerensia a tuma e desishon pa para vuelonan di fakansi pa islanan di eks Antia i tambe islanan Canaria. Gerensia di TUI na Kòrsou ta kere ku ta importante pa enfatisá ku TUI no ta stòp ku vuelonan pero solamente ta sigui bula di forma adaptá.

Entre otro no ta bende paketenan di biahe manera nan tabata hasi pero esun ku tin su pasashi òf ke kumpra su pasashi pero sin estadia inkluí por sigui bula ku e kompania. Tambe probablemente lo bai bula ku ménos frekuensia. Echo ta segun gerensia di TUI na Kòrsou ku nan ta sigui bula entre Ulanda i e islanan i den e kaso aki Kòrsou tambe.

E informashon ku nan ta stòp ku e vuelonan a kousa basta prekupashon serka biaheronan i p'esei ta importante pa por aklará ku TUI ta sigui bula pa Kòrsou i e otro islanan di eks Antia solamente di forma adaptá