WILLEMSTAD.- Curator Huizing a duna splikashon amplio kon a atendé e bankarota di Curaçaose Dok Maatschappij (CDM).

Segun mr. Huizing a splika ku e instrukshon di e curator no ta trese kambio den maneho i outoridat di disponibilidat di e debedó. E tarea di e curator ta pa e ta informá i tambe wak, i pa e forma su opinion riba e asuntunan dentro di e kompania i pa duna su opinion riba esaki, kaminda ta nesesario.

E posibilidat di un apertura dje kompania por ser hasi den tur silensio dor di e curator ku ta prepará, i kaminda ku tantu e curator komo e wes komisario promé ku e bati bankarota, por duna nan bista riba e kompania. P’esei nan ta pone atenshon eksepshonal na interes di e kreditornan, i ta mantené e oportunidatnan di trabou.  Teniendo kuenta ku e  curator por haña su mes den e apertura, esaki por keda prepará den tur silensio, pa djis despues di dikta e bankarota, e curator, ku outorisashon di e wes komisario, por efektuá e bankarota.

Pa e motibu aki, CDM dia 26 ougùstùs 2016 a pidi Korte di promé instansia di Kòrsou pa apliká e figura di “pre-pack” pa restrukturá e posibilidatnan i kondishonnan pa medio di e bankarota, pa por investigá i tambe prepará.

A base di e petishon aki, korte dia 30 ougùstùs 2016, a indiká sr. A. Huizing komo curator den kaso ku yega na bankarota di CDM.

Segun korte, CDM den su petishon a hasi sufisientemente aseptabel ku e preparashon riba un eventual bankarota, e daño na esnan envolví, bou di kua trahadónan di CDM, lo por keda limitá di tal sistema, ku esaki ta pisa kontra dje sirkunstansia ku e preparashonnan a tuma lugá den silensio.

E instrukshon ta den prinsipio te ku 14 sèptèmber 2016, pero relashoná ku e kumplimentu di algun kondishon pa e apertura, algun biaha a keda alargá.

Den sèptèmber di 2016, Damen a bai un akuerdo di konseshon ku CDM Holding a base di kua Damen, lo bai hür e “werf” ku ta kai bou di CDM Holding, i eksplotá esaki.

E akuerdo firma ta bou di un seri di kondishonnan. Algun kondishon esensial pa e apertura ta ku Damen ta tuma tur  personal di CDM pa medio di un kontrato, di manera ku e terminashon dor di curator no ta nesesario. E akreedornan lo por atendé nan mas tantu posibel, i gobièrnu i un kantidat di akreedor ku ‘claim’ nan supstansial kontra di CDM, a base kualke manera boluntariamente por entregá nan petishonnan riba CDM.

Dia prome febrüari último, tur e kondishonnan pa efektuá e apertura a keda yená. Ku esaki e preparashonnan pa e posibilidat di apertura di e aktividatnan CDM a terminá.

Finalmente mr. Huizing a bisa ku e tumamentu over manera a konkluí ku Damen, Dòk a keda salbá. E personal ta pasa over i e akreedornan ta haña un parti di nan ‘claim’. Den un bankarota “normal”, esaki lo no ta posibel.

Dia 2 febrüari 2017, korte a dikta e bankarota di CDM i a nombra formalmente e curator i e wes komisario.