WILLEMSTAD.- Tur akusado den Kaso “Zonnebloem” a keda deklará liber un ratu pasa den Korte. E akusadonan L.C. (48) i su pareha C.C. (55), A.I. (54) i C.G. mester a presentá den Korte, pa responsabilisá nan mes pa ku e akusashonnan ku Ministerio Públiko tin kontra nan. Den un buèlta sorpresivo, Fiskal mes a pidi pa laga e akusadonan liber.
E investigashon “Zonnebloem” ta dirigí su mes riba falsifikashon di dokumento, malversashon di supsidio i labamentu di plaka. Ta trata di un kaso den kual un trahadó di e instansia di Wit Gele Kruis na aña 2015, a hasi denunsia ku e pareha L.C. i C.C. lo a kometé froude ku “Jaarrekening” di aña 2014, ku ta un suma di mas di 700 mil florin. Huntu ku nan e otro ko-akusadonan. De edishon di EXTYRA lo tin mas detaye.