Update: Kandidatonan a subi bai den palasio di gobernador pa huramentashon

Tur e kandidatonan pa bira minister a subi trapi di gobernador pa asina bai pasa pa e parti di huramentashon. Keda pendiente pa e detayenan ku EXTRA ta trese.

WILLEMSTAD.-Tur kos ta kla pa dentro di masha poko tempu gabinete Pisas II huramentá dilanti di su ekselensia gobernador sra. Lucille George-Wout. EXTRA ta presente for di hopi tempran riba plenchi di Fòrti pa asina tuma nota di preparashonnan ku ta tumando lugá.

Mayoria di e futuro ministernan ya kaba a hasi akto di presensia den Fòrti pa asina prepará e último detayenan. Manera indiká anteriormente awe 12’or di mèrdia e gabinete ta huramentá serka gobernador. Entretantu e retiro di e 5 miembronan di Parlamento ku ta bira minister a keda regla.