WILLEMSTAD.-Leslie Fer representando promé minister Pisas, den e presentashon di gobièrnu riba situashon di Covid a splika kiko ta bai pasa den e próksimo periodo. Fer a indiká ku tur e medidanan ku a drenta na vigor 13 di ougustus ta keda na vigor pa 3 siman mas te ku 15 di oktober próksimo.

Epidemiólogo Izzy Gerstenbluth a duna e sifranan mas aktual indikando ku for di 1791 test realisá 39 hende a resultá positivo i 56 hende a sali for di isolashon. Tin 491 hende aktivo na kas òf hospital. Tin 30 hende den hospital di kua 14 ta den kuido intensivo. Mas detaye den edishon di EXTRA.