WILLEMSTAD.- Fiskal mr.  Out ayera durante kasonan di infrakshon di tráfiko a trese un aspekto sumamente importante dilanti. Esaki tin di aber ku bistimentu di faha di seguridat.

Pronto lo bai bin kontròlnan severo di faha di seguridat riba pasaheronan sintá patras den un vehíkulo i prinsipalmente riba muchanan.

Fiskal a bisa ku Ministerio Públiko ta trahando duru riba e parti aki pa e aña kai mes pone e lei na vigor i tambe e montante di but ku esaki ta trese kuné.

Segun fiskal durante vários aksidentenan ku morto, por a mira klaramente ku hopi di e víktimanan, lamentablemente a pèrdè nan bida, no tabatin faha di seguridat bistí.

Tambe por mira ku durante vários otro aksidentenan ku tuma lugá, e pasahero sintá patras den e vehíkulo, tambe ta sufri daño dor ku aki na Kòrsou komodidat no ta familiarisá ku e bistimentu di faha ora ku e persona ta sintá patras den outo.

Pues mirando tur esakinan fiskal a bisa ku  den korto tempu e regla aki ta keda lansá ofisialmente, kaminda tur hende aki na Kòrsou ta obligá na bisti faha di seguridat ora ku nan ta den un vehíkulo, sea sintá patras òf dilanti.

Finalmente fiskal a enfatisá ku e lei aki ta pa e propio seguridat di e siudadania.