WILLEMSTAD.- Chata, CAP, VBC, KvK i CAH a manda karta pa minister di desaroyo ekonómiko Steven Martina kaminda nan ta ekspresá nan preokupashon pa e fondonan pa desaroyo di turismo ku ta birando ménos. CTB ta luchando aun mas ku nunka ku su finansa. E falta di fondo aki parsialmente ta debí na e no kumplimentu di gobièrnu pa pasa e supsidio ku el a bai di akuerdo kuné pa CTB. Si no tin sèn pa invertí den e industria di turismo, ta pone na rísiko e kantidat di 25000 buelo ku tin plania pa 2019. Si no  invertí sufisiente ta kore e rísiko di pèrdè e asientonan den e buelonan menshoná. I p’esei e partnernan ariba menshoná ta pidi minister un reunion urgente pa nan por trese dilanti nan preokupashon.