WILLEMSTAD.- Landsloterij ta reportá un éksito ekstraordinario den benta di brièchi pa e promé loteria di aña 2024. Un sorprendente 90% di brièchi a wòrdu bendí di e total di 35,000 brièchinan disponibel pa Kòrsou, Aruba, Boneiru, Sint Maarten, Saba, i Sint Eustatius. Ku porsierto e promé, segundo, i terser premio tur brièchinan pertenesiendo na rebendedónan di Kòrsou den 2024, komunidat na Kòrsou i otro islanan kaminda e brièchi ta wòrdu bendí lo por sigui konta ku kontribushonnan stimulando desaroyo riba e tereno di arte, siensia, i deporte.

Landsloterij ta ekspresá su gradisimentu na tur rebendedónan ku a sostené e loteria durante henter e aña, hasiendo e éksito rotundo den benta di brièchi akí posibel.
Un danki tambe ta bai na e komunidatnan di Kòrsou i otro islanan ku a mustra nan interes den e loteria durante henter aña, pero spesialmente den luna di desèmber. E benta impreshonante di brièchi aki ta reflehá e entusiasmo i konfiansa ku e komunidat tin den Landsloterij.

E aña akí, Landsloterij tin 15 tremendo sorteo atrobe, i ta urgi tur kumpradó pa sigui kumpra segun nan forsa i sostené nos loteria nashonal ku na su lugá ta sostené nos komunidat.
Landsloterij ta deseá pueblo di Kòrsou i nos hermana islanan hopi suerte pa aña 2024.