WILLEMSTAD – Suministro di koriente pa CMC a stabilisá, pues lo kontinuá ku tur sita na poliklínikanan mañan, djamars 15 di desèmber. Na e momentunan aki CMC ta konektá riba ret di Aqualectra miéntras ku mantenshon ta tuma logá riba tur generatornan di CMC ku a drai durante di hinter wikènt. Tur generator lo ta bek den servisio awe mes pa por sigui garantisá kuido na pashènt si akaso koriente bolbe kai afó.