WILLEMSTAD.- Aunke ta eksistí un nesesidat pa diversifiká ekonomia, turismo ta, i probablemente lo keda, e pilá prinsipal di ekonomia tantu na Kòrsou komo na Sint Maarten,’ Doornbosch a enfatisá. Esaki e ta trese dilanti den e boletin ekonómiko di luna di yüni.
Por sierto, e faktor prinsipal tras di e rekuperashon ekonómiko aktual ta e echo ku turismo di estadia a
rekuperá mas lihé ku loke a premirá. Tin espasio pa oumentá e entrada di divisa generá mediante
aktividat turístiko.
Di promé, e dos paisnan lo por amplia nan sektor di turismo, konsentrando mas riba turismo di noche i di ‘interes spesial’, ya ku generalmente esakinan ta generá mas balor agregá,
kompará ku turismo tradishonal.
Di dos, e paisnan lo por saka mas benefisio for di e kadena di balor di turismo si nan stimulá negoshi lokal pa partisipá mas den aktividat relashoná ku turismo.
Por último, si fomentá un forsa laboral bon prepará, ku enfoke riba turismo, esei lo yuda hisa nivel di e servisio- i produktonan ku nos ta ofresé komo destinashon turístiko i asina generá lealtat pa e
destinashon. E medidanan akí lo oumentá e balor agregá i, di e manera ei, e benefisionan ku
turismo ta trese kuné pa komunidat di Kòrsou i di Sint Maarten,’ asina presidente di CBCS, Richard
Doornbosch a konkluí.

LAGA UN KOMENTARIO

Please enter your comment!
Please enter your name here