WILLEMSTAD.- Djamars último un patólogo a hasi outopsia riba e kurpa sin bida di un turista Aleman ku den wikènt tras di lomba a muri den e sentro di prostitushon Campo Alegre. E resultado di e outopsia ta mustra ku e víktima tabatin problema ku kurason i esei a kousa su morto. Patólogo ta konkluí ku por papia di un morto natural.

Na e momentu ku polis a haña informashon di e kaso a informá outoridatnan den e kadena hudisial di manera ku fiskal di Ministerio Públiko a konfiská e kurpa sin bida pa laga hasi investigashon. Un outopsia ta pa determiná e kousa di morto i pa asina ekskluí un posibel kaso di krímen.