WILLEMSTAD.- Hopi biaha nos tin e tendensia di kritiká ora kos ta malu so òf ora un hende hasi malu so.

Pero ora e kos ta di e banda positivo kasi nunka bo no ta tende esei. Prinsipalmente ora ta trata di outoridatnan.

Esaki tabata e kaso ayera na pia di brùg na Otrobanda.

Tabata un kaminda un turista a kai i a resultá heridá.

Un otro turista di bishita na Kòrsou for di Suesia ku un barku krusero a presensiá tur loke a pasa.

E turista aki a indiká ku e la keda asombrá kon lihé e agentenan a yega, wak e turista i papia kuné i mesora a pidi presensia di ambulans.

E turista a bisa den su mes palabra ku el a “Enjoy” wak e polisnan ehersé nan trabou. Esaki sigur ta algu di aploudí.

Ta trata aki di Agente Panneflek (man robes) i Brigadier (Hooi).

Na final e turista a pidi nan pa e saka un potrèt pa asina keda rekordá esun oranan ku e tabata di bishita na Kòrsou.