Update 3:

Informashonnan preliminar ta indiká ku e turista ulandes lo a yega Kòrsou siman pasa djaweps i djabierne a kuminsa sinti malu. E no a sali i tabata huntu ku su kasa i tabata te djarason ultimu ku el a mèldu e situashon na outoridatnan i ayera e resultado positivo a bira konosí.

Un fuente a konfirmá na EXTRA ku e notisia preliminar ta korekto

Awe mainta GGD i Gobièrnu di Kòrsou lo bai tin un konferensia di prensa urgente pa sea konfirmá of desmentí ku tin e promé kaso di Corona Vírus aki na Kòrsou. Informashon no konfirmá ta indiká ku ta trata di un turista ulandes di 68 aña di edat ku lo mester a tèst positivo pa e vírus aki. EXTRA no a haña konfirmashon di e notisia aki pero lo ta pendiente di e konferensia awe kiko e realidat lo ta. EXTRA lo kubri esaki live pa tur su lektornan. Keda pendiente pa e orario