Update: Polis ta pidi yudansa di komunidat

WILLEMSTAD.-Relashona ku e aksidente ku a keda awe den oranan di mainta. a registrá otro kaso fatal di aksidente den tráfiko. Tabata riba e kaminda di Banda Bou den área di Santa Cruz. Entretantu e informashon a drenta ku ta trata di un hende lokal ku tabata embolbi den e aksidente aki i ku a fayesé. E promé patruya ku a yega na e sitio a konstatá ku tabatin un hende muhé ku no tabata duna señal di bida. Dòkter di polis a konstatá morto. Investigashon ta tumando lugá na e momentunan aki pa determiná tur detaye relashoná ku e aksidente aki. Yamada na tur hende ku por sa algu di e aksidente pa mèldu na polis. Esei por yuda den e investigashon.

Polis awe tardi a duna di konosé ku Recheline Hooi nasé na Kòrsou dia 14 di novèmber 1973, a fayesé na e sitio a konsekuensia di herídanan ku el a sufri durante di e aksidente.

WILLEMSTAD - Dalmentu ku morto riba kaminda di Sta. Cruz. Aki dos outo a aksidentá i viktima a fayesé na e sitio. Departamento di Tráfiko ta na e sitio pa investigá  kiko a pasa ku e dalmentu aki tuma lugá.