WILLEMSTAD.- Ayera durante di dia nos sentro di siudat tabata kolmá ku kantidat di turista ku tabata di bishita riba nos isla.

Pero lástimamente unu di nan a resultá heridá.

Tabata na momentu ku e turista aki huntu ku un grupo di persona tabata kana keiru riba Brug Emma i no a tuma nota ku e brùg ya a kuminsá habri.

Esaki a pone ku e turista a kai riba e rant di brùg na momentu ku esaki tabata habriendo na e lado di Otrobanda i a keda heridá na su pia ku un kap formal      i ku tabata sangra hopi.

Polis a presentá na e sitio i mesora a pidi presensia di ambulans di Fundashon Kuido di Ambulans pa duna e turista promé asistensia.