WILLEMSTAD. - Ayera Kòrsou su sentro di siudat tabata kargá ku turista krusero. Un ambiente ku masha tempu Kòrsou no a konosé. Tabatin dos krusero ayera di bishita na Kòrsou ku ta Odyssey of the Seas ku ta e krusero di mas nobo di Royal Caribbean ku ta nabegá pa promé biaha ku pasahero krusero a bordo for di aña pasá ku e la sali for di astiero. E krusero aki a bin ku 1.414 pasahero i tin 1.427 tripulante.

Tabata di bishita tambe Celebrity Summit ku tin un kapasidat mas chikí, pero ku e pèrkurá pa un tremendo ambiente den sentro di siudat.

Riba e kombinashon di foto por haña un impreshon di e ambiente ku tabatin ayera den Punda i Otrobanda.