\WILLEMSTAD.- Ultra Air, ku ta un aerolínea kolombiano nobo, resientemente a presentá su plannan pa kuminsá bula na Aruba i Kòrsou for di Colombia. Asina e wèpsait www.koninkrijk.nu ta indiká. Ultra Air siman pasá a presentá su plannan na e outoridat di aviashon di Colombia, Aeronáutica Civil. Ultra Air ke bula shete bia pa siman for di siudatnan Medellín i Bogotá pa Kòrsou i Aruba.
Doño di Ultra Air ta William Shaw, ku den pasado a kuminsá ku e aerolínea Viva Air Colombia.
Ultra Air ta un ‘Ultra Low Cost Carrier (ULCC)’, ku ta nifiká ku ticketnan di e kompania ta mas abou ku ticketnan di kompanianan di aviashon regular.