Benta di sigaria por terminá dentro di 10 pa 15 aña den hopi pais

WILLEMSTAD. - Jacek Olczak, Chief Operating Officer di Philip Morris International, ta di opinion ku esaki lo ta un aña di desishon importante kon pa rekonstruí i atendé e múltiple desafionan ku tin na kaminda. Miéntras e reakshon mas inmediato pa loke ta e desafionan relashoná ku e pandemia global di Covid-19 ta leu di ta perfekto o kompleto. Esaki ta suprayá e progreso signifikante ora ku siensia ta prevalesé i kaminda ku tur hende ta traha huntu ku e sentido di urgensia ku un meta komun. Ohala e ehèmpelnan aki por inspirá un aserkamentu nobo ora ta trata di otro konfrontashonnan global.

Te na e momentunan aki ainda humamentu ta un preokupashon, miéntras ta un echo ku tin progreso i oportunidatnan signifikante, asina Olczak ta duna di konosé.

Olczak a sigui splika ku por logra un futuro liber di huma i por yega ei mas lihé si reguladornan i e komunidat di salú públiko aseptá un aserkamentu mas kontemporáneo i dirigí pa siensia – un ku ta enkurashá inovashon i ta invitá pa kolaborashon habrí.

Ta krusial ku komunidat no ta spera nada ménos. Di akuerdo ku un enkuesta internashonal nobo realisá pa e firma investigador Povaddo enkargá pa Philip Morris International (PMI), un mayoria signifikativo (73 porshento) di e 22.500 enkuestadó ke pa gobièrnu konsiderá e papel ku produktonan alternativo por hunga pa hasi nan pais liber di huma.

71 porshento tabata di akuerdo ku enkurashá hòmber i muhé ku di otro manera lo sigui huma, pa cambia completamente pa alternativa liber di huma, por komplementá otro esfuerso pa redusí daño na sosiedat kousá pa sigaria.

Pa PMI, nan ophetivo, ruta i paso ta kla. PMI a tuma e desishon pa enfoká nan rekursonan riba desaroyá, supstansia sientifikamente i komersialisá den un forma responsabel produktonan liber di huma, ku e meta di remplasá sigaria kompletamente mas pronto posibel.

De echo PMI ta kere ku  e estímulo regulatorio adekuá i apoyo di komunidat sivil, benta di sigaria por terminá dentro di 10 pa 15 aña den hopi pais.

Un futuro liber di huma ta posibel i desishonnan tumá e aña aki por definí e velosidat ku kua PMI lo yega einan. Ku e di 9 konferensia di partidonan di e Konvenshon den kuadro di Organisashon Mundial di Salú enkuanto Kontrol di Tabako (WHO Framework Convention on Tobacco Control) reuniendo na novèmber, tin oportunidat pa gobièrnu(nan) evaluá e siensia tras di alternativa liber di huma, balorá e echonan i disidí kon mihó fasilitá hende ku di otro manera lo sigui huma, pa hasi mihó eskoho pa nan mes.

Pa ta kla, e mihó eskoho ta pa stòp ku sigaria i nikotina kompletamente. E esfuersonan pa protehá menor kontra humamentu, prevení inisiashon i promové stòp ku humamentu, mester kontinuá komo prioridat.

Pero no por nenga e oportunidat na e adultonan ei ku no ta stòp, pa kambia pa mihó alternativa.

Deseo di komunidat pa un aserkamentu nobo den atendé humamentu ta kla. Mihó skohensia pa hende ku di otro manera lo sigui huma ta eksistí. Si laga siensia liderá i enkurashá kombersashon entre tur “stakeholder” ku por kontribuí na kambio.

Olczak ta konvensí ku di e forma aki  por yega na un futuro liber di huma mas rápido.  No tin tempu di pèrdè, ni espasio pa ideologia i kreensia no supstansiá.

Solushon ta nase ku kolaborashon i mente habrí.