WILLEMSTAD.- Veredikto ku a kaba di kai den korte di apelashon djis algun ratu pasa ta duna dr. Emsley Tromp, eks presidente di Banko Sentral di Kòrsou i St. Maarten “vrijspraak” den e kaso Safiro. Manera ta konosí algun tempu pasá a kuminsá e trayekto pa investigá aktuashon di e presidente di Banko Sentral. A investigá e.o fiansa na Aqualectra, un fiansa na e kompania di haf di St.Maarten i algun otro desishon mas. Sinembargo no a haña base pa kondena e eks presidente di Banko Sentral.

Den e promé kaso Ministerio Públiko a hasi un investigashon profundo i ei a bin saka afó ku Tromp lo no a yena su papelnan di belasting korekto. Korte den promé instansia a deklará Tromp liber di tur kulpa, pero OM a apelá i awe desishon a kai den korte di apelashon. Un bia mas a deklará Tromp liber di tur akusashon pa loke ta trata yenamentu di su papelnan di belasting. Mas detaye den edishon di EXTRA.