WILLEMSTAD.- Fotógrafo di EXTRA ayera a saka un portrèt na Baai Macola di un turtuga morto. E turtuga ta drumi mei mei di tur sorto di shushi, manera bòter di plèstik  i hanskun. Esaki ta un bista sumamente tristu. Manera ta konosí na Kòrsou tin mas i mas atenshon pa e nesesidat pa tene nos isla limpi i kombatí shushi den naturalesa. Nos muchanan ta siña na skol e nesesidat pa usa ménos plèstik pa asina yuda bestianan den naturalesa, entre otro turtuga. E mensahe ta keda importante. Pa e motibu ei nos ta publiká e portrèt riba ‘frontpage’. Tene nos isla limpi pa yuda nos mes i tur e bestianan i naturalesa!