WILLEMSTAD - Kontinuando ku un investigashon relashoná ku ladronisia di outo ku a tuma lugá dia 26 di febrüari 2022 den área di Julian, personal di e tim ku ta investigá ladronisia di outo a detené un dama sospechoso.

Djabièrnè 25 di mart 2022, alrededor di 05.03’or a hasi detenshon di R.Z.J., nasé na Kòrsou di 27 aña di edat kual ta sospechoso den e kaso ariba menshoná.

Despues di su detenshon a tene un entrada hudisial na un adrès na Julian, kaminda a konfiská algun artíkulo ku ta di importansia pa e investigashon.  A present’é dilanti un fiskal ouksiliar ku a ordená su enkarselamentu pendiente di mas investigashon.