WILLEMSTAD.- Konstantemente EXTRA ta keda aserká pa outomobilistanan ku ta reklamá estado di kaya i unda tur tin burakunan hopi grandi. Na algun okashon kaba EXTRA a relatá tokante situashon di kaya na vários sitio aki na Kòrsou. Aparentemente Ministerio di Tráfiko, Transporte i Planifikashon a haña e fondonan nesesario pa kuminsá atendé ku kamindanan malu, pero no ta mira masha moveshon.

Ayera un biaha mas EXTRA a keda aserká pa outomobilistanan tokante buraku riba Garipitoweg krusada ku Kaya E.C.G. Plaate na Suffisant. Nèt na e krusada aki tin un buraku basta grandi i hundu. Na un krusada ta difísil pa desviá debí ku por okashoná un desgrasia.

Ta spera ku mas pronto posibel kuminsá atendé ku kamindanan di un forma adekuá pa asina aliviá outomobilistanan ku ta pasa mal ratu.

LAGA UN KOMENTARIO

Please enter your comment!
Please enter your name here