WILLEMSTAD.- Mas ku un di kada sinku vehíkulo motorisá ku a hasi uso di karetera di Kòrsou, a keda involukrá den un aksidente na 2021. Esei ta lokual por konkluí for di e informe di Forensys di aña 2021. Mas ku 88.000 vehíkulo motorisá ta hasi uso di nos karetera nan. Kasi 15.000 shofùr ta reportá daño na un di e 10 kompania nan di seguro aki na Kòrsou. E sifranan aki ta komparabel ku aña 2020 ku ta e momentu ku e pandemia a kuminsá. Tin ménos outo registrá na e kompania nan di seguro. Na 2019 tabata tin 92.000 vehíkulo motorisá registrá ku ta hasi uzo di karetera nan di Kòrsou i awor aki tin 4000 ménos.