WILLEMSTAD. - Ayera djabièrnè 21 di desèmber Fuego a lansa ofisialmente e promé organisashon ‘esports’ na Kòrsou. Jeff Macolonie Managing Director di Fuego a presentá na e públiko presente e plan nan ku e organisashon tin.

Jeff i su team tin eksperensia internashonal ehersiendo ‘esports’ riba nivel profeshonal. E organisashon tin plannan grandi pa kompetí den 2019 riba nivel profeshonal internashonal.

Fuego a anunsiá tambe kolaborashon ku Esperamos Supermarket ku lo traha e promé ofisina di wega  na Kòrsou ku lo enserá training di e ekipo profeshonal i tambe kreadó di kontenido digital.

A anunsiá e ‘esports league’ di Kòrsou ku lo start otro aña pa e asina yamá ‘gamers’ nan di Kòrsou pa nan tambe por kompetí i subi nan nivel i haña oportunidat pa uní ku Fuego tambe.

Pa mas informashon por bai na e página sosial di Fuego ku ta:  www.fuego.gg.

...Riba e kombinashon di foto por tuma nota di e momentu di e lansamentu di ‘esports’...