WILLEMSTAD. - Konforme promé informashonnan ku ta sirkulá na e sitio di e asesinato ku a tuma lugá un ratu pasá den Monte Verde ta indiká ku testigunan a tende zonido bala pa despues nan mira un outo BMW pretu ta kore i a bai dal den un outo stashoná kant’i kaminda. E outo tin basta perforashon di bala na e parti di shofùr. Esaki ta nifiká ku e suseso a tuma lugá un poko mas pariba di e sitio ku a haña e outo ku un hende hòmber aden ku no ta duna señal di bida, asina testigunan a bisa. Na e momentunan aki ainda no a divulgá nòmber di e víktima, miéntras e investigashon ta tumando lugá.