WILLEMSTAD.-Resientemente, durante di un reunion general a eligí un direktiva nobo pa Consular Corps Curaçao, esta e kuerpo konsular di Korsou. E kuerpo ta konsistí di 32 miembro ku ta konsistí di tantu kònsùlnan general komo kònsùlnan honorario ku ta representá e respektivo paisnan.

E direktiva nobo ta konsistí di Julie TIdey, kònsùl honorario United Kingdom komo e dekano, Ralph Obersi, kònsùl honorario Mexico, komo e vise dekano, Jean Tannous Fayad, kònsùl honorario Lebanon komo sekretario, Ruthsella Jansen, kònsùl honorario Canada komo tesorero, Marisol Gutierrez i kònsùl general Venezuela komo miembro di direktiva. E foto d.r.p.d. Ruthsella Jansen, Jean Tannous Fayad, Julie TIdey, Ralph Obersi, Marisol Gutierrez. Por tuma kontakto ku e kuerpo konsular via di nan página riba Facebook Corps Consulaire Curaçao.