Un morto den eksploshon den trein na Nijmegen

Nijmegen.- A registrá un morto den un eksploshon ku a tuma lugá den un trein stashoná na e stashon di Nijmegen. Polis ta informá ku no tabatin mas víktima. No ta konosí kiko a pasa eksaktamente, e investigashon ta kanando. Tampoko polis no por a duna e identidat di e víktima.

Segun outoridatnan, no tin indikashon ku ta trata di un akto kriminal. Habitantenan den serkania di e stashon di trein a informá ku nan a skucha un eksploshon bastante fuerte kaminda por a skucha glasnan ku ta kibra. A base di e holó ta pone ku esnan den e área ta pensa ku posiblemente ta trata di un eksploshon kaminda a hasi uso di vürwèrk.

E eksploshon no a kousa niun estorbo pa tráfiko di trein den e área. Pa loke ta trata e trein unda e kaso a tuma lugá, outoridatnan a informá ku ta trata di un trein ku no ta den uso mas. E tabata un trein ku tabata transportá pasahero pero esei no ta e kaso mas. Foto NOS

SHARE

LEAVE A REPLY