WILLEMSTAD.-E informe ofisial pa loke ta trata Covid ta indiká ku for di 640 test tin 13 kaso positivo nobo. Tin 55 kaso ku a rekuperá pa yega na un total di 423 kaso aktivo. Pa loke ta trata e situashon den hospital CMC e sifranan ta mustra ku te awe tardi tabatin 51 persona hospitalisá debí na Covid di kua 24 ta den kuido intensivo. A sobra 3 persona di Kòrsou ku ta den kuido intensivo na Aruba i tin un morto mas ku a hiba e total di mortonan na 110.