Un oportunidat mágiko: ku Fun Miles bo t’e promé pa mira Frozen 2!

WILLEMSTAD.- Fanátikonan a spera e pelíkula aki pa seis aña: Frozen 2, e di dos parti di e pelíkula animá, mas eksitoso na mundu. Estreno ofisial na Merka lo ta dia 22 di novèmber, sinembargo e pelíkula lo keda estrená aki na Kòrsou un dia promé. Miembronan di Fun Miles (i nan yunan) lo ta promé pa mira e pelíkula. Nan por bishitá e promé dos fushonnan; tur loke wòrdu rekoudá ta bai pa Children’s Museum Curaçao!
E fushonnan eksklusivo lo tuma lugá djaweps, dia 21 di novèmber próksimo na Movies Otrobanda pa 3:00 i 5:30 pm. Karchinan ta optenibel na The Movies Otrobanda, Children’s Museum i na ofisina di Fun Miles na Dominguito pa únikamente 1390 Fun Miles (òf 555 Miles + f 15) i ta inkluí un trit special.
Frozen 2: e aventura ta kontinuá
Den e di dos parti di e pelíkula Elsa ta deskubrí e fuente di su podernan mágiko. Den e promé parti, e tabata tin miedu ku e podernan lo tabata demasiado pa mundu, pero awó e ta spera ku nan lo ta sufisiente pa salb’é. Elsa, lo no ta su so, ya ku Anna, Kristoff i Olaf tambe ta bèk! Frozen a keda estrená na 2013 i a risibí diferente premiashon, inkluyendo dos Oscar. E pelíkula di Disney a kibra tur rèkòrt na takianan di sine ku un ganashi di 1,2 miar dòler mundialmente. Nunka ántes un pelíkula animá a resultá asina eksitoso.
Tep: yega trempan!
Muchanan ku yega trempan dia 21 di novèmber próksimo tin chèns di atmirá un mundu di Frozen, bunita dekorá komo antesala pa e pelíkula. Ta p’esei, portanan lo habri for di 2 or di mèrdia pa e funshon di 3 or, i 4:30 pm pa e funshon di 5:30 pm. Despues di e pelíkula, famia henter ta keda invitá pa disfrutá di sendementu di lus i ambiente navideño na Renaissance Mall i Riffort
Tokante Fun Miles
Miembronan di Fun Miles ta disfrutá kontinuamente di ofertanan eksklusivo, promoshon i eventonan espektakular. Si bo no ke pèrdè e ‘fun’ sigui Fun Miles riba social media, bishitá funmiles.net òf download e App grátis di Fun Miles.
Mas informashon tokante Fun Miles?
Tuma kontakto ku servisio na kliente na number 465-3300, bishitá funmiles.net òf facebook.com/funmiles.

 

SHARE

LEAVE A REPLY