WILLEMSTAD.- E dianan aki ta hopi den notisia e falta di vehíkulo pa sierto departamentu di kuerpo polisial por traha kuné. Hasta e agentenan polisial mester a akshoná pa haña outo pa por traha kuné. Ayera un outo di e departamentu di “straatdienst” a keda destruí despues di tabata envolví den un choke ku un vehíkulo ku nan tabata persiguí. Shofùr outo di famia no kier a para pa kontrol di tráfiko riba Dominico “Don” Martina Boulevard (Nieuwehaven),  a manda e vehíkulo riba dos agente, i a sigui kore bai. Na altura di Fokkerweg a logra para e vehíkulo na momentu ku a surgi un choke entre e vehíkulo polisial i tambe outo di e sospechoso. A detené e shofùr.