WILLEMSTAD.- St. Margaretha College ta di fiesta.
Despues di hopi aña e skol aki a haña mobilario di segunda mano ku ta den hopi bon estado for di basisschool “De Morgenster” na Sleeuwijk, Ulanda. E skol aki na Ulanda a muda i a opsekiá nan mobilario aktual kompleto na St. Margaretha College.
Bert i Willemien Ruiter, ku ta dosentenan penshonado ku a traha den pasado na Kòrsou, ku estrecho laso ku e Komishon di Mayor di St. Margaretha College, ta e motornan tras di e proyekto aki.
First Caribbean International Bank Kòrsou a yuda finansiá e transporte i Stichting Help de Schoolkinderen van Curaçao a kordiná i regla e transporte.
Un danki di kurason na nòmber di alumno, staf i personal di St. Margaretha College pa e gesto bunita i grandi aki.