WILLEMSTAD.- Parse ku mantenshon i limpiesa kantu di kaminda ta poko wanta. Matanan i en partikular esnan di sumpiña a haña nan kaminda pa sigui bona i bai laira. Bunita bèrdè sigur pero e mata i palunan aki ta kousando un peliger na tráfiko. Nan a kuminsá ta tapa bòrchinan di tráfiko i asta lus di tráfiko. Kisas pa otro siman mes ku si nada wòrdu hasí tin diferente di e palunan aki a krese i para e lusnan di tráfiko na sierto krusada bai.

Outonan tin di kita pa mata i palu di sumpiña ku a kuminsá subi kaminda, poniendo e tráfiko na peliger. I e situashon aki ta na hopi parti di Kòrsou. Nos a nota na Berg Altena, na e rotònde di Zuikertuin, riba Fokkerweg bayendo e monumento di derechi preferensia, skina Cas Coraweg i asina nos por menshoná kantidat mas, pero e potrètnan ta papia pa nan mes.

Esaki ta trese na e pregunta si mantenshon di matanan i limpiesa kantu di kaminda a wanta un ratu. Nos ta spera ku esnan kompetente lo hasi kaso di e situashon i pone man na obra.