WILLEMSTAD.- Sindikatonan den union a reuní hinter mainta, manera nan a informá for di ayera, i den esaki a yega na  e konklushon ku nan ta pidi minister presidènt di Kòrsou pa no sigui ku e plan pa Kòrsou sirbi komo hub den e proyekto pa brinda yudansa humanitario na Venezuela. Paisnan manera Ulanda, Merka, Colombia i otronan a uni forsa pa duna oido na e yamada di e presidente interino Guaido di Venezuela pa manda yudansa humanitario. E sindikatonan den union tin miedu ku Kòrsou lo kai den mal bista di Venezuela si partisipá na e yudansa humanitario aki. Presidente di Venezuela Nicolas Maduro a anunsiá ku e no ta aseptá e yudansa humanitario. Segun e sindikatonan den union, Kòrsou mester keda un pais di pas i hermandat. Mas detaye den EXTRA.