WILLEMSTAD.- Awe mèrdia entre 2orpm i 4or pm Aqualectra a atendé 14 kaso mas di interupshon di koriente i 7 di awa. E interupshonnan di koriente ta 5 den área di Pariba, 9 den área di Pabou.

Pa loke ta awa, tabatin 7 interupshon di kual 4 den área Pabou i 3 P’ariba.

E plantanan di Awa na Mundu Nobo i na Fuik ta operando normal miéntras ku e tankinan di awa ta kompletamente yen.

Pa loke ta koriente Aqualectra ta informá ku e demanda te ku ainda tabata 73,5 Mw. Téknikonan di Aqualectra ta riba ‘stand by’ pa si tin kualke eventualidat nan por sali mesora.