Update: Dama venezolano detené den kaso di ladronisia di ATM

WILLEMSTAD – Djabièrnè 11 di yanüari 2019 alrededor di 03.17’or, Sentral di Polis a risibí yamada riba un intento di ladronisia di un mashin di ‘ATM’ situá riba Corrieweg.

Mesora a dirigí algun unidat polisial na e sitio i na momentu ku e promé unidat a yega, el a nota un vehíkulo na e ‘ATM’ ku porta habrí. Un of mas sospechoso a kore drenta den e outo i bek esaki, dal den e vehíkulo polisial i sigui kore. Seguidamente polis a duna e shofùr òrdu pa para i lòs algun tiru di atvertensia, pero esaki no a kumpli ku e òrdu.

Un otro unidat polisial a topa ku e outo aki i a start un persekushon tras di e vehíkulo. E agentenan aki despues di a lòs tiru di atvertensia, a tira dirigí riba e outo.

Den área di Groot Kwartier e vehíkulo a bin aksidentá i e sospechosonan a sigui ku nan huida na pia, miéntras polis a logra di detené un di e sospechosonan, e hòmber F.W.B. nase na Repúblika Dominikana di 33 aña di edat.

E sospechoso aki tabatin herida di bala na man i pia, ku probablemente el a sufri na momentu ku polis a lòs e tirunan dirigí.

Ku ambulans a transportá e víktima pa poliklínika di SEHOS pa risibí tratamentu médiko.

A konfiská e vehíkulo i na e mashin di ‘ATM’ tambe a konfiská algun artíkulo ku ta importante pa e investigashon.

Kontinuando ku e investigashon, polis a tene kuater (4) entrada hudisial na diferente bario di Kòrsou.

Durante di e investigashon na e entradanan menshoná, polis a detene un hende muhé L.d.l.a.I., di 29 aña di edat nase na Venezuela, pa komplisidat na e intento di robo i violashon di e Lei di Opio.

Tambe e agentenan a konfiská un outo, mariwana i artíkulonan ku ta di importansia pa e investigashon.

Investigashon den e kaso ta kontinuá.

 

Polis a tira hòmber durante intento pa bula ATM

SHARE

LEAVE A REPLY